Prokuroria e Barit ka kërkuar 8 vite burg për Giovanni Cassano, gjysmëvëllai i ish-futbollistit Antonio, i cili u arrestua në janar bashkë me shtatë persona të tjerë me akuzën e organizimit kriminal. 52-vjeçari ka qenë promotori i një bande të dedikuar për vjedhje makinash dhe grabitje banesash, e cila mësohet se ka kryer të paktën 20 goditje mes Barit dhe provincave në vitet e fundit. Shumë nga këto sulme, sipas rikonstruksioneve të hetuesve, kanë ndodhur teksa mbanin paruke femrash për të mos u njohur.
Prokurorët kërkuan gjithashtu një dënim me 4 vjet e 8 muaj për djalin e Giovanni Cassano, Gennaro, Michele Sciacqua, Dario Novelli dhe Giuseppe Armenise, të gjithë që besohet se ishin pjesëmarrës në grupim.
Lexo më tej: Grabiste apartamente, ishte kryetari i bandës: arrestohet vëllai i Antonio Cassano
Sipas prokurorisë, anëtarët e bandës i ndiqnin viktimat për të kuptuar zakonet e tyre dhe për të përcaktuar se kur duhet të vepronin. Shumica e veprimeve kriminale kishin ndodhur kur viktimat ishin jashtë shtëpisë. Por një grabitje është kryer me qiramarrësit të pranishëm, të mbajtur peng dhe të kërcënuar për të kryer grabitjen.
