Gjeorgjia e Khvicha Kvaratskhelia mori pikën e parë historike në një kampionat evropian. Mbyllet në barazim 1-1 ndeshja kundër Republikës Çeke, në Hamburg, në ditën e dytë të Grupit F. Protagonist absolut i ditës ishte portieri Mamardashvili, i cili bëri pritje vendimtare për të gjithë të nëntëdhjetë minutat. Takimi u zhbllokua nga Mikautadze që realizoi me penallti në kohën shtesë të pjesës së parë. Rrethimi çek çoi në barazimin e Schick (më pas i dëmtuar) me një devijim të rastësishëm pas shtyllës së goditur nga Lingr, por përmbysja e plotë dështoi.
Një pikë që nuk i shërben askujt. Në Hamburg, Gjeorgjia e Çekia e mbyllën 1-1. Goli i Mikautadze hapi ndeshjen në fundin e pjesës së parë, kur u tregua i aftë të mposhtte Stanek me të djathtën. Patrik Schick, pastaj, barazoi në pjesën e dytë. Sulmuesi i Bayer Leverkusen, i cili doli me një dëmtim muskulor pak minuta pasi shënoi, ishte më i rrezikshmi i skuadrës së tij. Ai shënoi në minutën e 59' falë një episodi me fat.
Lexo më tej: Video/ Gjeorgjia bën historinë me penallti e shkon në Euro2024: eliminohet Greqia
Megjithatë, më i miri në fushë ishte Giorgi Mamardashvili, numri një i Valencias, i cili ishte protagonist me të paktën katër ndërhyrje vendimtare (dy nga këto ndaj Schick). Portieri e mbajti kombëtaren e tij në këmbë. Kvaratskhelia u mundua të bënte diçka. Disa goditje nga ana e tij, një asist i bukur i pashfrytëzuar nga Mekvabishvili para golit të Schick dhe shumë vrapim. Lojtari i Napolit doli nga fusha me 8' të mbetura nga loja. Në minutën e fundit, një mundësi e bujshme u gllabërua nga Lobjanidze, i vetëm përpara Stanek. Topi i goditur prej tij përfundoi shumë lartë mbi traversë. Të dyja skuadrat janë në kuotën e një pikëve. Gjeorgjia në ndeshjen e fundit do të përballet me Portugalinë, ndërsa çekët me Turqinë.
