Justin Timberlake ishte esëll kur u filmua duke performuar në Las Vegas me sy të skuqur, disa javë para arrestimit të tij pas drejtimit të makinës në gjendje të dehur.
Pavarësisht se fansat supozuan se këngëtari i “Mirrors” ishte nën ndikimin e alkoolit gjatë turneut të tij “Forget Tomorrow World Tour” në T-Mobile Arena muajin e kaluar, burimet për TMZ thanë se ai ishte esëll. Sipas burimit, pamja e tillë e Timberlake u analizua shumë në rrjete sociale. Burimi shpjegoi se ish-anëtari i “NYSNC”, 43 vjeç, duhet të qëndrojë esëll gjatë performancave sepse rrezikon shumë.
Arrestimi i Justin vjen pasi ai festoi Ditën e Babait të dielën. Babai i dy fëmijëve hyri në Instagram për të ofruar një paraqitje të shkurtër të jetës së tij private me gruan e tij Jessica Biel dhe djemtë e tyre Silas, 9, dhe Phineas, 3.
“2 dhuratat e mia më të mëdha. Mësoj më shumë për veten çdo ditë vetëm sepse ju të dy më zgjodhët mua për të qenë babi juaj”, ka shkruar ai në një foto me dy djemtë e tij, Silas, 9 vjeç dhe Phineas, 3.
“Unë do të jem gjithmonë pranë jush për t’ju ngritur dhe për t’ju treguar se sa lart mund të arrini në këtë jetë dhe për t’ju ngritur kur të bini. Ju dua shumë të dyve. Faleminderit që më dhatë qëllimin tim më të madh.”/Lapsi.al
