Austria është fituese e bujshme e një grupi me dy favoritë të mëdhenj: Francën e Holandën. Në Grupin D, skuadra e Ragnick mposhti 2-3 Oranje, duke rrëmbyer kreun edhe falë barazimit 1-1 mes Francës e Polonisë. Rikthimi i Mbappe në fushë nuk bëri punë ndaj polakëve që ishin të eliminuar nga Europiani. Lewandowski me penallti barazoi rezultatin, duke zbritur Gjelat në vendin e dytë.
Franca nuk shkoi përtej barazimit 1-1 ndaj Polonisë tashmë të eliminuar, duke përfunduar në vendin e dytë në Grupin D të Euro 2024, pas Austrisë dhe përpara Holandës. Një rezultat thuajse i bujshëm në Dortmund ku portieri polak Skorupski ishte protagonist i të paktën pesë ndërhyrjeve vendimtare ndaj Mbappe, para se të kapitullonte në minutën e 55’. Vetëm me penallti kapiteni francez mundi të kalonte portierin polak. Franca e Deschamps nuk e mbylli rezultatin dhe dhjetë minuta nga fundi pësoi barazimin nga Lewandowski, sërish me penallti, të përsëritur pas pritjes së parë të Maignan.
Lexo më tej: Video/ Mbappé, me hundë të thyer e me maskë: asnjë operacion për të mos humbur Europianin
Në ditën e fundit të grupit D të Euro 2024, Austria mundi Holandën 3-2 dhe zuri vendin e parë të papritur në grup (falë barazimit 1-1 mes Francës dhe Polonisë). Ndeshja në Berlin u vendos nga autogoli i Malen (6') dhe nga golat e Schmid (59') dhe Sabitzer (80'). Holandezëve nuk u mjaftuan Gakpo (47') dhe Depay (75') për të rikuperuar rezultatin. Humbje sidoqoftë pa dhimbje për Oranje të drejtuar nga Koeman. Me 4 pikë, ata tashmë janë të sigurt se do të avancojnë si një nga skuadrat më të mira të vendit të tretë.
