Ka dalë pas dy orësh nga SPAK, ish-drejtori i Kadastrës të shtetit, Artan Lame. Pas daljes nga Prokuroria, Lame nuk ka dhënë deklaratë për gazetarët, ndërsa tha shkurt se “u pyeta si person në dijeni për një çështje të Kadastrës".
Sipas raportimeve ai u pyet si person që ka dijeni mbi një dosje te Prokurorisë së Posaçme sa i takon legalizimeve ne këmbim të votës për zgjedhjet lokale te vitit 2019, ku në pranga pak kohë më parë u vunë një ish-punonjës i ALUIZNI-T dhe një ish kryeplak.
Lame ka qenë në krye të Agjencisë Shtetërore të Kadastrës, një institucion që u krijua si bashkim i ALUIZNI-t me Hipotekën. Ai dha dorëheqjen nga ky post në mars të vitit të kaluar dhe në vend të tij, u emërua Dallëndyshe Bici.
