Jennifer Lopez dhe Ben Affleck janë përpjekur të bëjnë më të mirën – por martesa e çiftit dyshohet se ka marrë fund prej muajsh.
Sipas burimeve, ata janë ndarë që nga marsi, por Affleck është "shumë mbrojtës ndaj Jennifer".
Thashethemet për ndarjen e çiftit u ngritën në maj pasi Affleck mungoi në Met Gala, të cilin JLo e bashkë-kryesoi këtë vit. Ai gjithashtu nuk e shoqëroi atë në premierën e projektit të saj të ri Netflix, "Atlas". Lopez nxiti më shumë spekulimet kur ajo pëlqeu një postim në Instagram rreth marrëdhënieve jo të shëndetshme.
“Nuk mund të ndërtosh një marrëdhënie me dikë që është i shkëputur nga vetvetja”, thuhet në postim.
Artistja më vonë anuloi turneun e saj "This Is Me…Live", raportoi ekskluzivisht Page Six, për të qenë me fëmijët, familjen dhe miqtë e saj të ngushtë".
“Unë jam plotësisht e mërzitur dhe e shkatërruar që ju zhgënjej”, u tha ajo fansave në buletinin e saj “On the JLo”. “Ju lutemi ta dini se nuk do ta bëja këtë nëse nuk do ta ndieja se ishte absolutisht e nevojshme”, shtoi ajo duke premtuar se do t'ua kompensonte fansave të saj.
