Kryetari i Partisë Mundësia, Agron Shehaj deklaroi në Kuvend sot se për vetëvrasjen e Pal Trashajt duhet të mbajnë përgjegjësi Guvernatori i Bankës së Shqipërisë dhe ministri i Drejtësisë.
Lexo më tej: Historia e Pal Trashajt, njeriut që i dha fund jetës në dyert e SPAK
Sipas Shehajt, Gent Sejko dhe Ulsi Manja duhet të japin dorëheqjen.
"Është e pafalshme qe ku parlament ka lejuar që një qytetari të thjeshtë, qe nuk ka vrare njeri, qe nuk ka vjedhur, qe nuk ka shkelur asnje ligj, ti merret shtëpia për 750 euro. Kjo ndodh sepse nuk ka asnjë ligj që e pengon humbjen e shtepise per 750 euro.
Është e pafalshme që 750 euro të dhjetëfishohen përmes marifeteve, sepse ky Parlament nuk ka bërë një ligj ta ndalojë.
Është e pafalshme që qytetarëve t’u merret peng jeta për vite të tëra nga një bandë kriminale që vepron me lejen e Guvernatorit të Bankës së Shqipërisë, maxhorancës dhe ministrit të Drejtësisë, i cili ka detyrën të kontrollojë dhe ndalojë abuzimet e përmbaruesve që marrin peng qytetarët.
Ka vrarë veten një qytetar i ndershëm dhe i pafajshëm. Guvernatori i Bankës së Shqipërisë dhe ministri i Drejtësisë duhet të japin dorëheqjen.
Kuvendi duhet të veprojë sa më shpejt për të ndaluar këtë skemë kriminale dhe të shpëtojë qindra mijëra qytetare shqiptarë nga persekutimi dhe pengmarrja. Ka vdekur një qytetar i pambrotjur dhe drejtësia duhet të ndëshkojë fajtorët" - u shpreh mes të tjerash Agron Shehaj në Kuvend.
Lexo më tej: Shehaj akuzon guvernatorin: Janë marrë peng 100 mijë shqiptarë me mikrokreditë (VIDEO)
