Ellen DeGeneres ka anuluar disa performanca të turneut të saj të fundit stand-up, Ellen's Last Stand... Up.
Anulimet, u njoftuan në faqen e internetit të Ticketmaster. Ndërsa nuk është dhënë asnjë arsye specifike për anulimet, Ticketmaster përcolli një mesazh ku thuhej:
"Për fat të keq, Organizatorit të Eventit i është dashur të anulojë ngjarjen tuaj". Mbajtësit e biletave u siguruan se do të merrnin rimbursime brenda 14 deri në 21 ditë.
DeGeneres nisi turneun e saj në qershor, duke u rikthyer në skenë pasi u përball me akuzat për një mjedis toksik në vendin e punës në talk show-n e saj. Komediania 66-vjeçare foli për "anulimin" e saj dhe diskutoi rikthimin e saj në skenë - dy vjet pasi ajo përfundoi shfaqjen e saj.
Një dëshmitar okular në audiencë tha se ish-prezantuesja televizive foli për jetën e saj dhe ato akuza "të këqija" që i prishën karrierën e saj.
“Më përjashtuan nga showbizi se jam “e keqe”,tha ajo me shaka, duke shtuar se në një moment ka lexuar një titull që e quajti atë "personin më të urryer në Amerikë".
Në audiencë ishte edhe gruaja e DeGeneres prej 16 vitesh, Portia de Rossi, për të cilën tha se është "shoqja më e mirë" . Komediania shpesh kërkonte siguri nga de Rossi gjatë gjithë shfaqjes, teksa bënte shaka për jetën e tyre pas skandalit. /Lapsi.al
