"Nëse Pantani fitonte Giro D'Italia, do të thyhej banka. E Camorra, aleanca e Secondigliano, do të duhej të paguante disa miliardë baste klandestine dhe do të rrezikonte falimentimin". Kështu ka bërë të ditur një bashkëpunëtor i drejtësisë tek Karabinierët dhe e raportuar në procesverbalin e Komisionit Antimafia që është vëzhguar nga LaPresse, që hetoi vdekjen e çiklistit Marco Pantani. Tashmë këto deklarata, së bashku me zbulimet e Renato Vallanzasca, të cilit një i burgosur i kishte thënë të “vinte bast për përjashtimin e Marco Pantani nga Giro”, janë gurthemeli i hetimit të ri nga prokuroria e Trentos.
“Shoqata kriminale e stilit mafioz që synon baste klandestine dhe lidhet me vdekjen e çiklistit” është hipoteza e krimit që po hetohet nga prokurorja Patrizia Foiero e cila do të dëgjojë rreth dhjetë persona të informuar për faktet në ditët në vijim. Etapa Madonna di Campiglio e Giro d'Italia 1999 është në qendër të vëmendjes. Pirati, dy etapa nga fundi, ishte në krye të renditjes me një epërsi prej gati 6 minutash. Por mëngjesin e 5 qershorit testet pozitive antidoping, të cilat dyshohej se ishin “manipuluar” nga Camorra, e nxorrën jashtë veprimit.
Lexo më tej: Vdekja e Pantanit, shpërndarësi zbulon: "Nuk vdiq nga kokaina, e kanë vrarë"
Tashmë shumë kohë përpara qershorit 1999, mes të burgosurve me origjinë nga Campania ishte i ditur fakti se Pantani do të përjashtohej nga Giro, pasi kjo ngjarje ishte e kushtëzuar nga ndërhyrja e një klani të Camorra”, konfirmoi Renato Vallanzasca, përpara se të përkeqësohej gjendja e tij shëndetësore.
