Është shtyrë për të disatën herë seanca paraprake për Ilir Beqajn dhe personat e tjerë të akuzuar për dosjen e "sterilizimit".
Shkak u bë mungesa e një prej avokatëve.
Por ish-ministri i Shëndetësisë që ka disa javë në qeli u shfaq tepër i irrituar duke kundërshtojë veprimet e SPAK.
“Aktet e sjella në gjykim përmbajnë të pavërteta”, pretendoi ish-zyrtari nën akuzë për shpërdorim detyre.
Reagimi i Beqajt vjen dy ditë pasi në një banesë të pretenduar prej tij të marrë me qira në Vlorë, ushtruan kontroll hetuesit e Byrosë Kombëtare të Hetimit.
Por nga ana tjetër ndërhyri gjykata duke i kujtuar Beqajt “se jemi ende në fazën e legjitimimit të palëve dhe do t'i jepet mundësia për t'u shprehur në një moment tjetër”.
Seanca ku gjykata do të shprehet nëse dosja kalon për gjykim ose jo u shty për në datën 12 shtator ora 10:00.
