Ish-efektivi i policisë, Ledio Ferzaj u paraqit në Gjykatën e Beratit për verifikimin e masës së sigurimit, të caktuar ndaj tij. Ferzaj akuzohet se ka falsifikuar dokumenta që lidhen me vërtetimin e besueshmërisë që lëshohet nga autoriteti kompetent, lidhur me kërkesat për pajisje me armë gjahu. Masa ndaj tij është zhvilluar rreth orës 15:40 minuta dhe ka vijuar për rreth një orë. Mësohet se gjyqtarja ka vlerësuar të vendosë për ish-policin Ferzaj vazhdimin e masës së sigurimit “Ndalimi i daljes jashtë shtetit”.
Efektivi u përjashtua nga policia në 9 maj 2023, pas transmetimit në media të një video, ku shihej sesi Ledio Ferzaj i merrte një qytetari para, me pretendimin që t’i mbyllte një çështje. Duke qënë se qytetari kishte edhe precedentë të mëparshëm, zyrtari Ferzaj e shantazhonte se do e fuste në burg dhe më pas i mori një shumë parash.
Më 2 Maj 2014, Ledio Ferzaj u përjashtua nga radhët e policisë nga Shërbimi i Kontrollit të Brendshëm, për “shpërdorim detyre”. Ai akuzohej se kishte zhdukur pistoletën e një personi të ndaluar për armëmbajtje pa leje nga provat që ndodheshin brenda Komisariatit Nr.2 në Tiranë ku efektivi punonte.
