Një aksident i rëndë ka ndodhur pasditen e kësaj të marte në Këlcyrë.
Mësohet se nga përplasja e një furgoni me një makinë kanë mbetur të lënduar 5 persona.
Të lënduarit ndodhen në spital, jashtë rrezikut për jetën.
Policia thotë se ka nisur punën për zbardhjen e rrethanave të aksidentit.
Detaje nga policia:
Rreth orës 14:00, në aksin rrugor “Ura e Leklit-Këlcyrë”, në afërsi të fshatit Kodër janë përplasur mjeti tip furgon me drejtues shtetasin G. F., dhe automjeti me drejtues shtetasin S. O.
Si pasojë janë dëmtuar 5 persona, të cilët ndodhen në spital, për ndihmë mjekësore, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
