Kryetari i Partisë Demokratike, Sali Berisha ka ndarë artikullin e Lapsi.al për mesazhet e shkëmbyera mes kriminelëve shqiptarë në SKY ECC dhe telefonat ENCRO, si dhe mundësinë e përfshirjes së politikanëve në këto biseda.
Berisha thotë se ministri Taulant Balla del në bisedat e koduara personazhi më qëndror i botës së krimit në dosjen e fundit të Metamorfozës. Ish-kryeministri hodhi akuza drejt kreut të SPAK-ut, që sipas tij është përfshirë në fshirjen e postimeve.
Postimi i Sali Berishës:
Të dashur miq, Taulant Balla del në bisedat e koduara personazhi më qendror i botës së krimit në dosjen e fundit të metamofozës! Por në dosje nuk mungojnë edhe Edi Rama dhe ministra e prokurorë, gjykatës të tjerë.
Altin Dumani fshin dhe fsheh bisedat që dëshmojnë lidhjet e krimit me nivelet më të larta të pushtetit, implikimin direkt të Ballës në porosi direkte të krimeve të shëmtuara.
Për më shumë hollësi ju ftoj të lexoni artikullin e mëposhtëm që shqyrton dhe sjell për lexuesit të vërtetën e lidhjeve të krimit me nivelet më të larta të politikës dhe fshehjen kriminale të ktryre lidhjeve nga Dumani i partisë!
Dëshmitë/ A ka emra politikanësh në bisedat me SKY ECC?
