Zelimkhan Abakarov mposhtet në tapetin e Parisit, por ende mund të luftojë për medaljen e bronxtë falë ripeshkimit, gjithnjë nëse indiani Aman Aman që e nxorri jashtë në çerekfinale arrin të shkojë në finalen e mundjes, në stilin e lirë, deri në 57 kg. Nuk ka shkuar si shpresohej gara e kampionit të botës në 1/4 e Paris 2024. Pasi fitoi me përmbysje me luna Fafe, Abakarov shkatërrohet në tapet nga Aman.
Asnjë alibi për Abakarov, i dalë nga kjo përballje me një 12-0 të sikletshme. Mundësi kuqezi garoi në disiplinën e 57 kilogram stil i lirë, por pa mundur të vazhdojë rrugëtimin e tij drejt asaj medalje të artë aq të ëndërruar.
Lexo më tej: Zelimkhan Abakarov kualifikohet në çerefinale të Paris 2024: përmbys rezultatin ndaj Luna Fafe
Sidoqoftë, lajmi i konfirmuar është se nëse Aman do të arrijë të shkojë në finale të turneut e të garojë për medaljen e artë, atëherë një shans tjetër do të shfaqet për Abakarov. Sipas rregullores olimpike, Abakarov do të konkurrojë në këtë rast përsëri për vendet 3-5 me shpresën për një medalje bronxi.
Nuk duhet harruar se nesër do të jetë radha e mundësit Chermen Valiev, ndërsa më 10 gusht në tapet do zbresë Islam Dudaev.
