Veç deklaratës skandaloze për urimin e Vangjel Tavos dhe vlerësimin për zgjedhjet në Himarë si një "proces me standarde demokratike", deklaratë që e shpërndau nga Zyra e Shtypit të Kuvendit, Elisa Spiropali ka zgjedhur edhe një mënyrë tjetër për t'u dukur qesharake pak ditë pasi Rama e gradoi në vend të Lindita Nikollës.
Gati përditë nga Zyra e Shtypit të Kuvendit shpërndahen për mediat urimet që i kanë mbërritur Spiropalit nga homologët e saj nëpër botë apo diplomatë të ndryshëm.
Janë kryesisht letra formale që çdo shtet i ka gati dhe dërgimi i tyre është vetëm një kortezi diplomatike. Por për Spiropalin urime të tilla konsiderohen si ngjarje e madhe që meritojnë të shpërndahen edhe në media. Aq e nderë është gjendja sa njoftimet dërgohen edhe me foto të zbukuruara me filtra të Elisa Spiropalit.
Nuk është çudi që ditën e zgjedhjes së saj në krye të Kuvendit ta shpallin festë kombëtare. Fundja askush tjetër si ajo në oborrin e Rilindjes nuk e ka lartësuar kaq shumë Edi Ramën duke e quajtur Skënderbe. ©LAPSI.al
