Të luash me dy porta ndoshta nuk është versioni më i mirë i mundshëm. Kyle Walker e di më mirë se të gjithë. Futbollisti i Kombëtares angleze ka qenë në qendër të gossip për shkak se kishte jetuar dy jetë paralele, duke ndërtuar dy familje. Mbrojtësi i Manchester City madje edhe në Euro 2024 ishte i shqetësuar sepse në tribuna ishin si gruaja e tij e ligjshme, ashtu dhe e dashura. Një situatë që impenjoi gjithë stafin e kombëtares së Tre Luanëve.
E tani gjërat me sa duket janë komplikuar edhe shumë: në dëm të Ëalker. Sipas tabloideve angleze, Kyle Walker është “detyruar” të jetojë në një apartament në pronësi të Manchester City, duke qenë se një vilë është e zënë nga gruaja e tij Annie Kilner (me të cilën ka 4 fëmijë), e cila e kishte përzënë nga shtëpia pasi zbuloi tradhtinë me Lauryn Goodman. Kjo e fundi, tani banon në pronën e dytë të mbrojtësit anglez. Për këtë arsye, Walker nuk kishte zgjidhje tjetër veçse të kërkonte ndihmë nga klubi i tij.
Lexo më tej: Finalja e sikletshme e Walker: gruaja dhe e dashura në tribunë gati për sherr e Williams në fushë
DIVORC PAS 12 VITESH...
Walker akuzohet se prej vitesh ka bërë një jetë të dyfishtë mes bashkëshortes së tij Annie Kilner, nënë e katër fëmijëve nga e cila u nda së fundmi dhe një Goodman, me të cilën ka ndërtuar dhe mbajtur për një kohë të gjatë atë që është një familje e dytë e vërtetë. Ajo që zbuloi gjithçka ishte vetë Goodman: “I thashë Kyle se duhej t’i tregonte gjithçka Annie. Se ai është babai i vajzës sonë, sepse ne duhet ta fillonim të lirë vitin 2024. Nëse të gjithë e dinë se si është situata, atëherë do të munden të marrin vendime si të rritur". E kështu, pas 12 vjetësh së bashku, Annie Kilner kërkoi menjëherë divorcin.
