Përfaqësuesit e kryeministrit indian Modi thanë se ai do të takohet sot me presidentin ukrainas në Kiev për të tentuar të rivendosë ‘paqen e stabilitetin në rajon’
Kryeministri indian Narendra Modi takohet sot në Kiev me Volodymyr Zelenskiy, në një vizitë historike që pritet të nxisë marrëveshjen për fundin e luftës me Rusinë.
“Asnjë problem nuk mund të zgjidhet në fushëbetejë,” tha Modi para vizitës së tij, duke shtuar se India mbështet “dialogun e diplomacinë për rivendosjen e paqes e stabilitetit sa më shpejt që është e mundur”.
Vizita e parë e Modi në Ukrainë vjen në një kohë kur një akord duket ende i lagët mes dy palëve në luftim, ndërsa një ofensivë e papritur e Ukrainës brenda territorit perëndimor rus të Kursk shkaktoi zhurmë ditët e fundit.
Nuk është e qartë sesa mund të ndihmojë për paqen vizita e Modi në Ukrainë, kur dihet që ai është i afërt me Vladimir Putin. Madje në Kiev u përmend me ironi përqafimi i Modi me Putin gjatë vizitës së djeshme në Moskë.
Modi tha se kishte në plan të “ndante pikëpamjet për zgjidhjen paqësore të konfliktit” me Zelenskin, si dhe të diskutonte “thellimin e miqësisë Indi-Ukrainë”. Para se të nisej për në Ukrainë, Modi vizitoi Poloninë.
Megjithëse India ka lidhje tradicionale me Rusinë, ajo është e afërt me vendet perëndimore, si një formë paraprirjeje rivalitetit të saj rajonal me Kinën.
Delhi nuk ka dënuar qartësisht pushtimet e Rusisë në Ukrainë dhe ka abstenuar rezolutat e OKB që dënonin veprimet të territoret e pushtuara. India vetëm ka nxitur dy palët “të zgjidhin diferencat e tyre me anë të dialogut”, shkruan rrjeti BBC.
