Në videon më poshtë duket momenti kur motrat Antonela dhe Mariela Berishaj dhunojnë modelen e Instagramit Klea Prengën mbrëmjen e 6 gushtit 2024.
Ngjarja ndodhi në një lokal luksoz tek 'Kodra e Diellit" në Tiranë.
Në pamjet duken motrat Antonela Berishaj dhe Mariela Berishaj, të veshura sport të cilat zbresin shkallët hyjnë në lokal. E para është Mariela, e veshur me të zeza, dhe pas saj është Antonela e veshur me të bardha.
https://rumble.com/v5cfnqt-motrat-berisha-rrahin-modelen.html
Sapo futen në lokal, Mariela Berishaj merr (një gotë ose shishe) qelq nga një tavolinë dhe godet Prengën e cila ishte e ulur në tavolinë mu në fytyrë. Pas saj shfaqet e motra Antonela, e cila gjithashtu e dhunon vajzën e re.
Nes të tria vajzave nis një përleshje. Disa persona ndërhyjnë në lokal për të ndarë sherrin. Një burrë tërheq dy motrat Berishaj mënjanë e ndërsa përpiqet ti largojë, Antonela merr dicka nga tavolina për të goditur sërish vajzën e ri. Më pas ata largohen të qeta nga lokali.
Dy motrat Antonela dhe Mariela Berishaj rezultojnë ende në kërkim dhe ndaj tyre rëndon akuza "Plagosje e rëndë me dashje". 24-vjeçarja Klea Prenga e bëri denoncimin dy ditë më pas. Në një postim të saj në Instagram ajo akuzoi motrat Mariela dhe Antonela Berishaj, se janë autore të dhunës fizike të saj duke i thyer një shishe në fytyrë.
Shkak i dhunës barbare që motrat Antonela dhe Mariela Berishaj ushtruan mbi Prengën mendohet se është bërë dyshimi i Marielës se Klea kishte lidhje me bashkëshortin e saj prej të paktën një viti.
