Jonida Proga, motra e Egli Progës, i cili u dhunua për vdekje nga Denis Meçe në Pogradec, ka folur mbrëmjen e sotme sërish lidhur me vrasjen e të vëllait.
E ftuar në "Opinion", Jonida tha se familja e saj ka dyshime se vëllai është masakruar nga disa persona brenda lokalit. Ajo është shprehur se ka dyshime se i vëllai është thirrur brenda lokalit ku u dhunua dhe se nuk ishte aty rastësisht.
"Autori është dëgjuar se ka thënë: "Nxirr lekët e xhiros dhe na paguaj birrat". Vëllai administronte lokalin e babait. Versioni jonë është që Egli është masakrauar brenda lokalit nga disa veta. E kanë thirrur brenda në lokal, vëllai im nuk ishte rastësisht në lokal.
Dëshmitarët e kanë parë por kanë frikë të flasin. Është masakruar me disa goditje dhe e kanë nxjerrë jashtë. Personi që e ka goditur jashtë ka qenë një. Na vijnë mesazhe pafund që na thonë se kemi dëgjuar zëra brenda lokalit" - tha motra e viktimës. ©LAPSI.al
