Një zëdhënës i qeverisë gjermane njoftoi se kancelari gjerman Olaf Scholz dhe presidenti ukrainas Volodymyr Zelenskyy do të takohen në Frankfurt të premten.
Zelenskyy do të marrë pjesë në një takim të grupit të kontaktit aleat për Ukrainën nesër në Ramstein, baza amerikane në Gjermaninë perëndimore.
Ministrat e mbrojtjes dhe përfaqësuesit ushtarakë të vendeve që mbështesin Ukrainën do të diskutojnë nevojat e Kievit për pajisje ushtarake. Zëdhënësi nuk dha detaje mbi orarin se kur Zelensky mbërrin në Gjermani.
