Një zjarr me përmasa të mëdha ka përfshirë malin e Shashicës, në drejtim të Tragjasit, duke djegur një sipërfaqe të konsiderueshme me bimësi, pemëtari dhe pyje pishash. Zjarri, i cili është aktiv prej dy ditësh, është shpërndarë me shpejtësi të madhe, i nxitur nga era e fortë që favorizon përhapjen e tij. Raportohet se zjarri vazhdon të përhapet.
Burime të ndryshme sugjerojnë se zjarri është vendosur qëllimisht në disa vende, duke e bërë situatën më të ndërlikuar dhe të vështirë për t’u kontrolluar. Në afërsi të zjarrit ndodhen dy stane bagëtish, por deri tani nuk ka informacione të sakta nëse janë shkaktuar dëme në këto objekte ose në bagëti.
