Nicole Kidman ndërpreu pjesëmarrjen në Festivalin e Filmit në Venecia, pasi mësoi se nëna e saj, Janelle Ann Kidman, kishte ndërruar jetë. Regjisorja e "Babygirl", Halina Reijn, njoftoi largimin e aktores ndërsa mori në dorëzim çmimin e Kidman si aktorja më e mirë.
Nicole bëri një postim vetëm pak orë pasi kishte mbërritur në Venecia, duke njoftuar lajmin se “nëna e saj e sapo kishte ndërruar jetë.”
“Jam totalisht në shok dhe duhet të shkoj te familja ime, por ky çmim është për të,” tha aktorja e “Moulin Rouge”.
“Ajo më formësoi për njeriun që jam sot, më udhëhoqi në jetë dhe unë jam shumë mirënjohëse që mund ta flas në emrin e saj, përmes regjisores Halina. Përplasja e jetës dhe artit është zemërthyese në këto momente.”
Një përfaqësues i Nicole konfirmoi gjithashtu lajmin e trishtë, duke shtuar se familja ka nevojë për privatësi në këtë moment të vështirë për të gjithë. Nuk dihet ende shkaku i vdekjes.
