Komisioni i Ligjeve ka nisur me debate ditën e sotme mes deputetes Dhurata Çupi dhe kryetares së komisionit Klotilda Bushka. Deputetja demokrate ka kërkuar shkurtimin të rendit të ditës, pasi nuk mund të kalojnë ligje dhe më pas t'i rrëzojë Gjykata Kushtetuese. Po ashtu Çupi ka theksuar se komisioni i ligjeve nuk mund të bëhet me një po një jo një ndoshta. Ndërsa Bushka nga ana tjetër ka shtuar se ata nuk mund të uzurpojnë Komisionin.
Pjesë nga debati:
Dhurata Çupi: Nuk mund të bëjmë sikur kalojmë ligje, nëse keni interes të kaloni një ligj të lobuar nga qeveritarë apo biznese pranë qeverisë, bëjeni. Por duhet të jemi të përgjegjshëm. Këtu kemi aktin normativ për buxhetin dhe ligje të rëndësishme. Kemi ligje të rëndësishme vetëm këtë vit jemi mbledhur disa herë në Këshillin e legjislacionit për vendimet e Kushtetueses, duhet t’ju bëjë me turp e të ulni kokën. Shkurtoni rendin e ditës, nuk mund të kalojmë ligje kështu që Gjykata Kushtetuese të na i rrëzojë më pas. Ndaj merr masa.
Çyrbja: Sa i përket infrastrukturës në shkolla, jeni e lutur të vini me mua që të shihni investimet e bëra në shkollat e Durrësit.
Çupi: Nuk mund të bëhet komisioni i ligjeve një po një jo një ndoshta.
Bushka: Nuk e di si jeni mësuar ju por nuk mund të uzurponi komisionin.
