Një ngjarje e rëndë ka ndodhur në Roskovec pasdreken e sotme, ku dy persona kanë mbetur të vdekur.
Sipas burimeve të Lapsi.al, Gramos Kurtaj dhe Vladimir Kurtaj kanë mbetur të vdekur nga të shtënat me armë zjarri.
Autori i dyshuar i vrasjes është 49-vjeçari Altin Kuka. Ai është vënë në pranga nga policia.
Policia dha detaje të tjera mbi ngjarjen e rëndë:
Rreth orës 14:00, në fshatin Kurjan, Roskovec, në rrethana ende të paqarta, shtetasi A. K., 49 vjeç, dyshohet se ka vrarë me armë zjarri, shtetasit L. K. dhe G. K.
Shërbimet e Policisë po shoqërojnë në Komisariat, autorin e dyshuar të ngjarjes, shtetasin A. K.
Gjithashtu, shërbimet e Policisë kanë sekuestruar armën e dyshuar të krimit (armë zjarri automatike).
Grupi hetimor po punon për sqarimin e plotë të rrethanave dhe dokumentimin ligjor të kësaj ngjarjeje.
