Sali Berisha në një deklaratë për mediat, pak përpara se të hyjë në SPAK, tha se po shkon që të marrë akuzën politike.
"Jam sot për tu paraqitur atyre betimin solemn se Rama jo vetëm që nuk do marrë mandat të 4 por shumë shpejt do ta lëshojmë me pjesën e trupit që ka më qef në tokë. SPAK bazuar në kallëzimin e rremë të Ballës më ka hetuar në tre breza deri tek mbesat, në kohë që ato ende nuk kishin lindur." - u shpreh Berisha.
Berisha deklaroi se në dosjen e klubit Partizani mungon fakti penal dhe se shteti nuk ka humbur para publike. Sipas tij, toka kurrë nuk është shpronësuar. Prokurorinë e Posaçme e quajti prokurori private të Edi Ramës.
"Në dosjen e klubit Partizani mungon fakti penal dhe shteti nuk ka humbur para publike. Toka kurrë nuk është shpronësuar.
Firma e Sali Berishës nuk ekziston në ndonjë dokument. Nuk ka asnjë fakt penal në hetimet që zgjatën sa një Luftë Botërore. Sot po njihem me akuzën politike." - u shpreh Berisha.
Pas rreth 15 minutash para mediave, Berisha në ora 12:21 u fut në SPAK. ©Lapsi.al
