Orlando Bloom ka folur së fundmi për ndikimin që ka patur filmi “The Cut” në shëndetin e tij.
Filmi u shfaq si premierë në Festivalin Ndërkombëtar të Filmit në Toronto, ndërsa Orlando Bloom u shpreh se roli e bëri që të mendonte se “do të vdiste” për shkak të rënies drastike në peshë.
“Isha shumë i uritur gjatë gjithë kohës,” tha Bloom në një intervistë për “People”. “Tri javët e fundit në Londër, para se të fillonim xhirimet, ishin vetëm ton dhe kastravec.”
Nga ana tjetër, partnerja e aktorit, këngëtarja Katy Perry, duket se është tronditur jo pak nga transformimi i tij për këtë rol. Madje, kur e pa për herë të parë ajo "thjesht ishte e tmerruar," tregoi Bloom.
“Ajo më pa dhe tha: “Më duhet një pije e fortë,” tha aktori për reagimin e partneres së tij. “Ajo ishte vërtet e prekur, por Katy e dinte mirë se çfarë duhej për atë film.”
Perry e mbështeti Bloom gjatë xhirimeve duke mbajtur u kujdesur për fëmijët në shtëpi ndërsa ai ishte larg.
“Ajo ishte aty gjatë gjithë kohës, me fëmijët dhe gjëra të tjera”, tha Bloom për këngëtaren e “Fireworks”. Dyshja janë të dy prindër të vajzës 4-vjeçare, Daisy Dove. Aktori është gjithashtu baba i djalit Flynn, të cilin e ndan me ish-gruan e tij, Miranda Kerr.
