Djali i 58-vjeçarit të dyshuar për atentatin në Florida ndaj ish-presidentit Donald Trump është arrestuar nën akuzat federale për posedim të imazheve të abuzimit seksual të fëmijëve. Oran Routh u arrestua këtë javë pasi autoritetet kontrolluan shtëpinë e tij në Greensboro, Karolina e Veriut.
Gjithashtu hetuesit sekuestruan pajisje të shumta elektronike dhe gjetën qindra dosje që përshkruanin abuzimin seksual të fëmijëve, sipas dokumenteve të gjykatës. Ai përballet me dy akuza për posedim dhe marrje të materialeve të abuzimit seksual të fëmijëve.
Babai i Oran Routh është Ryan Wesley Routh, i cili akuzohet për atentatin ndaj Trump në një fushë golfi në Florida në fillim të këtij muaji. Ryan Routh është akuzuar për krime federale me armë, por prokurorët kanë treguar se do të vinin akuza shumë më serioze për tentativë vrasjeje.
