50 Cent do të publikojë së shpejti një dokumentar që që detajon rastin e abuzimit të Sean "Diddy" Combs.
Të mërkurën, më 25 shtator, një përfaqësues i reperit "In Da Club", emri i vërtetë i të cilit është Curtis Jackson, konfirmoi lajmin për PEOPLE.
“Kjo është një histori me ndikim të rëndësishëm njerëzor. Është një rrëfim kompleks që përfshin dekada, jo vetëm titujt apo klipet e parë deri më tani”, thanë Jackson (për G-Unit Film & Television) dhe regjisorja Alexandria Stapleton (për House of Nonfiction) në një deklaratë për PEOPLE.
“Ne mbetemi të palëkundur në angazhimin tonë për t'i dhënë zë viktimave dhe për të paraqitur perspektiva autentike. Ndërsa akuzat janë shqetësuese, ne i bëjmë thirrje të gjithëve të kujtojnë se historia e Sean Combs nuk është historia e plotë e hip hopit dhe kulturës së tij. Ne synojmë të sigurojmë që veprimet individuale të mos lënë në hije kontributet më të gjera të kulturës,” vazhdoi deklarata.
Combs, i cili u arrestua në një hotel në Manhattan është akuzuar për trafikim seksual dhe shantazh.
Ai aktualisht po mbahet në Qendrën e Paraburgimit Metropolitan të Brooklyn-it, pasi iu refuzua dy herë lirimi me kusht, ndërsa pret gjykimin. Combs do të kthehet në gjykatë në fillim të tetorit.
