Pamela Anderson beson se ajo vuajti nga depresioni për "nja dy dekada". Aktorja foli për jetën dhe karrierën e saj gjatë një paraqitjeje në Festivalin e Filmit të Cyrihut në Zvicër, ku u nderua me çmimin Golden Eye Award të shtunën.
Anderson zbuloi se ajo mezi kujton shumë nga jeta e saj pasi u bë e famshme në shfaqjen televizive "Baywatch".
“E shikoj tani dhe më duket sikur shkova nga “Baywatch” në Broadway. Nuk e di se çfarë ndodhi në mes. Është e gjitha një turbullirë e madhe,” tha ajo, sipas Variety. “Jam e lumtur që jam këtu, në këtë moment, sepse mendoj se kam pasur depresion për disa dekada.”
Anderson bëri debutimin e saj në Broadway në 2022 duke luajtur Roxie Hart në "Chicago" dhe ajo ka vazhduar të marrë një sërë rolesh në film, duke përfshirë "The Last Showgirl", "Rosebush Pruning" dhe një rol në "Naked Gun". Aktorja shpjegoi se është e emocionuar që është sërish e zënë me punë dhe beson se dokumentari i saj i Netflix i vitit 2023, "Pamela, a Love Story", ndihmoi në rigjallërimin e karrierës së saj.
Ajo shtoi: “Gjithmonë e kam ditur se jam e aftë për më shumë. Është e mrekullueshme të jesh pjesë e kulturës pop, por është një bekim dhe një mallkim. Njerëzit bien në dashuri me ju për shkak të rrobave të banjës. Ka kaluar shumë kohë, por unë jam këtu”. Pamela i tha më parë Collider: “Unë mendoj se koha është gjithçka. Mendova se nuk do të kisha mundësi të bëja diçka të tillë.
