Një modele e famshme në Instagram rrezikon burgun pasi dyshohet se akuzoi në mënyrë të rreme mbrojtësin e Milanit, Theo Hernandez për pėrdhunim dhe sulm fizik. Luisa Kremleva pretendoi se ajo ishte pėrdhunuar nga ylli i futbollit në një Porsche Cayenne 70 mijë £ pranë një klubi nate spanjoll në vitin 2017.
Ylli i televizionit spanjoll pohoi gjithashtu se futbollisti francez, i cili u transferua në Serie A nga La Liga në vitin 2019, i kishte shkaktuar lëndime në gju pasi e shtyu nga automjeti. Ajo tha në një intervistë për “The Sun” në atë kohë: “Kam prova të sulmit që janë në të pasmet dhe gjunjët e mi. Do të më pëlqente nëse Theo do të kërkonte falje. Është më e pakta që meritoj."
Hernandez, i cili nuk u arrestua kurrë, pranoi se kishte bërë seks me të, por tha se ishte konsensual. Burime të policisë spanjolle konfirmuan në atë kohë për “The Sun” se po i hetonin akuzat e saj sulm seksual. Megjithatë, një gjykatë e mbylli çështjen pasi gjyqtari vendosi se nuk kishte prova për të mbështetur akuzat. Prokurorët më pas gjetën pamjet e kamerave të sigurisë që tregonin se modelja kishte pësuar lëndime në gju në një rënie aksidentale jashtë klubit të natës.
Prokurorët thonë se Kremleva kishte vepruar "me keqdashje" duke akuzuar Hernandez për përdhunim pasi ai refuzoi të shkonte në shtëpi me të pasi kishte bërë seks "konsensual" në makinë. Luisa, e cila u bë e njohur pasi luajti në disa shfaqje televizive spanjolle, thuhet se u arrestua në vitin 2020 pasi nuk mori pjesë në thirrjet e shumta gjyqësore. Vetë ajo i mohoi lajmet se ishte arrestuar nga policët.
Nëna e saj tha në TV spanjoll: "Vajza ime nuk është e arrestuar. Ajo shkoi për të marrë një njoftim gjyqësor. Me kalimin e kohës e vërteta do të dalë në shesh." Më pas modelja shkroi në rrjetet sociale: “Nuk jam arrestuar. Unë nuk jam dënuar për asnjë krim. E vërteta do të dalë në shesh”.
Burimet e gjykatës kanë konfirmuar tani se seancë gjyqi ndaj Kremlevës është caktuar për 28 tetor në një gjykatë në Malaga, Costa De Sol. Edhe i pandehuri do të duhet të paraqitet në gjykatë, por nuk dihet nëse Hernandez do të duhet të paraqitet personalisht apo do të jetë në gjendje të japë dëshmi përmes lidhjes video online. Prokurorët publikë kanë thënë në një aktakuzë paraprake se do të dëshironin që ajo të merrte një dënim me 2 vjet burg së bashku me një gjobë prej 12 mijë £ nëse shpallet fajtore. ©The Sun, LAPSI.al
