Ai kishte të paktën 7 pseudonime. U bë i njohur në vitin 2017, kur u arratis nga burgu i Alessandria. Bëhet fjalë për një shqiptar 41-vjeçar që këtë të martë ka rënë sërish në prangat e policisë italiane në aeroportin “Fiumicino” të Romës.
Pas arratisjes së asaj kohe, ai u arrestua pas 3 javësh në një lagje ciganësh në Romë. U dërgua sërish në burg për të vuajtur një dënim prej 17 vitesh heqje lirie për një sërë akuzash që lidheshin me krime kundër pronës. Megjitahtë në 2019-ën u lirua dhe u dëbua nga vendi.
5 vjet më pas shqiptari u rikthye në Itali me një fluturim nga Barcelona. Ai kishte marrë një pasaportë të re, por autoritetet arritën të identifikonin shqiptarin. Tashmë pritet të dalë para gjykatës për caktimin e masës ndaj tij. ©ANSA, LAPSI.al
