I pari ishte Lefter Koka, në burg për inceneratorët, pastaj ishte Rrahman Rraja që u dorëhoq për skandalin e djalit dhe vëllait të tij, dhe tani Ergys Çyrbja që dorëhiqet para se të merret nën hetim. Thuajse 40% e listës së kandidatëve të Durrësit janë larguar tashmë, llogarit Oerd Bylykbashi, nënkryetar i Partisë Demokratike që e quan "listë të shqyer" të Partisë Socialiste.
“Që nga fillimi i këtij mandati parlamentar në 2021, tre deputetë të PS-së “të votuar” me shumë “vota preferenciale”, kanë dhënë dorëheqje pak para se prokuroria të fillojë hetimet, ose gati 40% e listës së PS në qarkun e Durrësit. Vota preferenciale e zgjedhësve apo e krimit? Të gjithë e dinë që në Durrës, por jo vetëm aty, Rama ka përdorur Kodin Penal dhe jo Kodin Zgjedhor për të hartuar listën e deputetëve”, –ka shkruar ai në një status në rrjetet sociale, duke akuzuar kryeministrin Rama se i përdor për vota, pastaj i hedh si limona të shtrydhur.
Duke iu referuar rastit të Jurgis Çyrbes, Bylykbashi thotë se dorëheqja para nisjes së hetimeve nuk kompromenton vetëm Edi Ramën, por edhe SPAK, që në këtë rast ngjan sikur të jetë specializuar për ish-funksionarë sepse për më shumë nuk e lejon Rama.
Lista e hapur apo lista e shqyer e PS?
Që nga fillimi i këtij mandati parlamentar në 2021, tre deputetë të PS-së “të votuar” me shumë “vota preferenciale”, kanë dhënë dorëheqje pak para se prokuroria të fillojë hetimet, ose gati 40% e listës së PS në qarkun e Durrësit. Vota preferenciale e zgjedhësve apo e krimit?
Të gjithë e dinë që në Durrës, por jo vetëm aty, Rama ka përdorur Kodin Penal dhe jo Kodin Zgjedhor për të hartuar listën e deputetëve. Ka zgjedhur kandidatët që marrin më shumë vota duke përdorur si kriter llojin e veprës penale dhe masën e dënimit në Kodin Penal.
Rama, pasi i përdor për vota, i hedh si limon i shtrydhur. Pak para se të fillojë hetimi, u kërkon dorëheqjen. Struc-izëm politik që Rama të fshehë kokën në rërë e të thotë nuk kam asnjë deputet apo ministër në detyrë të arrestuar, apo SPAK është i specializuar vetëm me ish-funksionarë, se nuk e lejon Rama?
Ky është standarti i votimeve që Rama i quan zgjedhje. Simbiozë e Politikës, Shtetit dhe Krimit.
