Vendi ynë edhe këtë të martë do të ndikohet nga kushte atmosferike të qëndrueshme për shkak të depërtimit të masave ajrore të ngrohta dhe të thata si rezultat i veprimtarisë së anticiklonit Afrikan. Moti parashikohet i kthjellët në të gjithë territorin përjashtuar vranësirat fare të pakta kalimtare. Mjegullinë dhe shikim i redukutar në orët e mëngjesit në zonat luginore.
Era do të fryjë me drejtim verilindje – veriperëndim me shpejtësi mesatare 1-5 m/sek, ndërsa përgjatë vijës bregdetare e kryesisht në atë jugor dhe lugina era fiton shpejtësi 10-12 m/sek, shoqëruar me valëzimin në dete të forcës 1-2 ballë. Për shkak të masave ajrore jugore temperaturat në orët e mesditës pritet të arrijnë vlera deri në 28 gradë celsius.
