Një plagosje me armë zjarri është shënuar në Vorë rreth një orë më parë, në zonën e Mrikajt. Nga të dhënat paraprake rezulton se pasditen e kësaj të marte një person është qëlluar me armë zjarri.
Sipas informacioneve të para, i plagosuri dyshohet se ka marrë një plumb në këmbë, ndërsa ngjarja mund të ketë ndodhur pas një përplasjeje dhe debati, lidhur me pjesët e këmbimit të makinave.
Paraprakisht raportohet se disa persona kanë shkuar te servisi dhe kanë goditur me sende te forta dy vëllezërit Mara dhe njëri prej tyre ka qëlluar me pistolete në kembë 25-vjeçarin, Xhulio Shkurti, i cili rezulton të jetë punonjës në servis.
Policia ka mbërritur menjëherë në vendngjarje për të hetuar rrethanat e incidentit dhe po punon për të sqaruar shkakun e konfliktit që çoi në këtë plagosje.
