Anija “Libra” e marinës italiane është larguar nga porti i Shëngjinit drejt Italisë. Kjo anije mbërriti mëngjesin e kësaj të mërkure në Shqipëri me 16 emigrantë në bord, 10 nga Bangladeshi dhe 6 nga Egjipti.
Pas kontrolleve emigrantët do të transferohen në qendrën e pritjes në Gjadër, e cila ndodhet rreth 15 kilometra nga Shëngjini. Pasi dokumentet e tyre të përpunohen, ata ose do të dërgohen në Itali, nëse përgjigja ndaj kërkesës së tyre për strehim është pozitive, ose do të kthehen në shtëpi, nëse kërkesa e tyre refuzohet.
Mjediset në Shëngjin dhe në Gjadër do të mbikëqyren nga personeli italian. Numri i përgjithshëm i emigrantëve të pranishëm në një kohë në Shqipëri nuk mund të jetë më shumë se 3000 veta sipas marrëveshjes.
