Punonjësit e spitaleve, mjekët dhe personeli shëndetësor në Greqi kanë hyrë në grevë 24 orëshe duke kërkuar përmirësimin e kushteve ekonomike, rritjen e numrit të personelit dhe përmirësimin e sistemit të kujdesit shëndetësor.
Mjekët dhe stafi mjekësor, të cilët hynë në një grevë 24-orëshe me thirrjen e sindikatave të punonjësve të spitalit, u mblodhën në qendër të kryeqytetit Athinë.
Aktivistët e mbledhur në sheshin “Mavili” fillimisht zhvilluan një marshim proteste drejt ndërtesës së Parlamentit në sheshin “Sintagma” dhe më pas drejt Ministrisë së Shëndetësisë.
Disa nga aktivistët shkuan në ndërtesën e Ministrisë së Shëndetësisë dhe shpalosën një pankartë me mbishkrimin “Duam rritje pagash, rekrutime masive dhe rekrutim të personelit të kontraktuar”.
Mjekët dhe personeli shëndetësor protestuan me kërkesa si përmirësimi i kushteve ekonomike, shtimi i personelit dhe përmirësimi i sistemit shëndetësor si dhe protestuan kundër ministrit të Shëndetësisë, Adonis Georgiadis.
