12 emigrantët që u larguan sot nga Gjadri pas vendimit të Gjykatës së Romës, kanë mbërritur në Bari të Italisë. Shtatë bangladeshas dhe pesë egjiptianë do të dërgohen në qendrën e pritjes për azilkërkuesit në Bari.
Emigrantët, të cilët ishin pjesë e një grupi fillimisht prej 16 personash, u transferuan përsëri në Itali pas vendimit të gjykatës së Romës, e cila nuk vuri në dukje paligjshmërinë e qëndrimit të tyre në strukturën krejt të re të krijuar në bazë të marrëveshjes mes Italisë dhe Shqipërisë.
Emigrantët që u kthyen sot në Itali nga Shqipëria dhe mbërritën në Qendrën e Azilkërkuesve në Bari, u shfaqën, sipas ANSA-s, “të frikësuar dhe të tronditur”.
“Ata kanë frikë të flasin me njëri-tjetrin sepse trëmben se çdo gjë që thonë mund të rrezikojë rrugën e tyre ligjore dhe qëndrimin e tyre në Itali”, shkruan Ansa.
