Ndërsa përpiqet të zgjidhë divorcin nga Ben Affleck, për shkak të mungesës së kontratës paramartesore, JLo po përballet me dashuritë e saj të së kaluarës.
Martesa me Affleck nuk ishte e para për JLo. Këngëtarja e Bronx-it është martuar katër herë dhe tashmë bashkëshorti i saj i parë, Ojani Noa, ka sulmuar ish-partneren e tij.
Në një intervistë për Despierta America, Ojani ka treguar detaje për marrëdhënien e tij me Lopez dhe gjithashtu ka shprehur mbështetjen e tij për Ben Affleck pas divorcit.
Bashkëshorti i parë i JLo foli për çështjet ligjore që kishte me këngëtaren në të kaluarën dhe zbuloi se Sean 'Diddy' Combs ishte pjesërisht fajtori për ndarjen e tyre.
“Një pjesë e atij divorci ishte faji i Diddy-t”, siguroi Ojani, duke treguar gjithashtu se si Lopez u takua me reperin kontrovers. "Pasi Puffy u bë një nga producentët e disa këngëve në albumin e parë nisën mashtrimet, tradhëtitë, ndarja."
Ish-i i Jennifer Lopez pretendoi gjithashtu se hija e martesës së tij të dështuar me divën e Bronx-it vazhdon ta ndjekë.
“Do ta pyesja Jennifer: çfarë të kam bërë që më ke çuar në gjyq, më ke akuzuar, ke gënjyer, ke krijuar gjëra të rreme për mua dhe ke thirrur disa kompani që të më pushojnë nga puna, të mos më japin punë”, tha ai. “Pse? Nuk të kam bërë asgjë. Trego gjithçka që ka ndodhur.
