Sekretari i Përgjithshëm i PL-së, Tedi Blushi ka publikuar pamjet nga momenti i arrestimit të Ilir Metës, ditën e djeshme dhe shprehet se “skenari për eliminimin fizik të ish-Presidentit dështoi”.
Blushi thekon se dhuna e ushtruar ndaj Metës nuk do të tolerohet, duke theksuar se “askush nuk do t’i shpëtojë ndëshkimit sipas përgjegjësive që ka patur në këtë akt terrorist”.
“Skenari kriminal destabilizues për eliminimin fizik të Presidentit Ilir Meta dështoi! Dhuna e ushtruar, siç provon qartë nga pamjet, nuk do të tolerohet dhe kurrë nuk do të amnistohet!
Partia e Lirisë është duke mbledhur informacion për emrat e të gjithëve terroristëve që nga dje e kanë personale me çdo shqiptar të ndershëm dhe patriot.
Me reagimin e sotëm provokues të zarit ordiner të Edi Ramës në krye të Narkoministrisë së Brendshme dhe avokatisë që i bëri skuadriljes terroriste është e qartë se gjithçka ka qenë e urdhëruar nga lart. Askush nuk do t’i shpëtojë ndëshkimit sipas përgjegjësive që ka patur në këtë akt terrorist!”, shkruan Blushi.
