Më 26 tetor, kryeministri Edi Rama do të zhvillojë një takim në Nju Jork me emigrantët shqiptarë, ndërkohë që në të njëjtën ditë është organizuar edhe një protestë kundër qeverisë.
Duke marrë shkas nga ky takim, kryetari i PD-së, Sali Berisha i është drejtuar me një mesazh emigrantëve.
Ai i bëri thirrje shqiptarëve që të refuzojnë takimin e Ramës dhe të dalin në protestë.
“Qytetarë dhe qytetare, shqiptarë dhe shqiptare, ju bëj thirrje kudo që jeni, u shkruani letra, mesazhe, telefonojuni vëllezërve, motrave tuaja në emigracion, të refuzojnë takimet me banditët, me vrasësit, me pengmarrësit.
U bëj thirrje emigrantëve tanë, qëndroni në anën e popullit tuaj, qëndroni në anën e demokracisë në Shqipërini.
Ngrihuni në nivelin e idealeve të lirisë të vendeve ku jetoni dhe jipni Edi Ramës mësimin që meriton.
Ai ka parashikuar një udhëtim në tetor me 26 në Nju Jork, metropolin botëror.
Ai nuk vjen për ju, ai nuk vjen për qëllime dhe interesa shqiptare tek ju.
Ai vjen tek ju si Pashiqi shqipfolës i Tiranës.
Ai vjen tek ju si një armik i egër i lirisë dhe pavarësisë së Kosovës.
Ai vjen tek ku ju si kreu i narkoshtetit të parë dhe të vetëm në Europë.
Ai vjen tek ju si kryekrimineli që përdor drejtësinë në mënyrën më të egër kundër opozitës. Që bën gjithçka për një Shqipëri pa opozitë.
U përket ju t’i jepni mësimin që meriton.
U përket ju të distancoheni nga ky antishqiptar që ndan me të atin shpirtin e xhelatit.
Që ka shndërruar pasuritë publike të shqiptarëve në parajsë për veten dhe ministrat e tij, klanet kriminale të vendit, narkotrafikantët.
Është koha për emigrant dhe emigrante, të tregojë veten e tij. T’i japë një krah, një mbështetje të reja Shqipërisë”, theksoi kryedemokrati në protestën e përnatshme të mbështetësve të tij.
