Shërbimet e Komisariatit të Policisë në Peqin morën njoftimit mbrëmjen e kësaj të enjteje se në spitalin e qytetit është dërguar për mjekim, i plagosur në këmbë dyshuar me armë zjarri një 41-vjeçar. Policia thotë se i plagosuri është identifikuar me inicialet Sh.C., banues në Peqin. Menjëherë ka nisur puna për identifikimin dhe kapjen e autorit të dyshuar.
“Si rezultat i veprimeve të shpejta hetimore të kryera nga strukturat për Hetimin e Krimeve të Komisariatit të Policisë Peqin në bashkëpunim me shërbimet e Sektorit për Hetimin e Krimeve të Rënda të DVP Elbasan u bë identifikimi i autorit të dyshuar të ngjarjes, shtetasit A. T, 26 vjeç.
Dyshohet se gjatë një konflikti për motive të dobëta, rreth orës 21:10, në lagjen "Xhami" Peqin, ai ka plagosur me armë zjarri në këmbë, shtetasin Sh. C., rreth 41 vjeç. Shtetasi Sh. C., ndodhet në kujdesin e mjekëve, jashtë rrezikut për jetën. Vijon puna për kapjen e autorit të dyshuar. Grupi hetimor ndodhet në vendngjarje dhe po punon për zbardhjen e rrethanave dhe dokumentimin ligjor të rastit” – thuhet në njoftim. ©LAPSI.al
