Kryegjyshi Botëror i bektashinjve haxhi dede Edmond Brahimaj ka marrë pjesë në një aktivitet të organizuar në Mallakastër, ku pohoi përmediat se nuk ka ende asgjë konkrete lidhur me implementimin e idesë së kryeministrit Edi Rama për themelimin e një "shteti bektashi".
I njohur si Baba Mondi, Kryegjyshi Botëror i bektashinjve u tha gazetarëve se kur të ketë diçka të re, do të njoftohen. Gjithashtu ai shtoi se nukishte në aktivitetin në fjalë "për këtë punë", duke shmangur pyetje dhe përgjigje të tjera.
“Nuk ka asgjë konkrete përveç asaj që ka deklaruar kryeministri i Shqipërisë, dhe kur të ketë diçka të re, do të njoftoheni. Nuk kam ardhur për këtë punë këtu”, tha Baba Mondi.
Në fakt, kjo ishte hera e parë që Kryegjyshi Edmond Brahimaj pyetej nga mediat shqiptare për këtë çështje ku siç duket nuk pranoi të ndante asnjë detaj.
