"Festimi me gjuhën jashtë si Del Piero lindi në San Siro? Vërtet? Nuk e dija... kështu që do të përpiqem ta përsëris nesër": nga këto fjalë tashmë mund të kuptohet përse Juventus nuk kishte frikë të dorëzonte fanellën me numër 10 te Kenan Yildiz. Turku i lindur në vitin 2005 kërkon vazhdimësi loje dhe minuta dhe ëndërron një ndeshje të madhe kundër Interit të dielën në mbrëmje: “Të mposhtim ata do të na jepte shumë energji pozitive. Jemi të fortë dhe shkojmë në Milano për të fituar. Kampionati është i gjatë, ka shumë ndeshje dhe ne duhet të marrim sa më shumë pikë”.
Yildiz, duke folur për Gazzetta dello Sport, nuk e fsheh admirimin e tij për Del Pieron: “Për mua ai ka qenë gjithmonë një legjendë. Kur shënova ndaj Frosinone mora peshqirin e tij si dhuratë dhe prej andej lindi një raport i bukur”. Nga aty te numri 10 në fanellë ishte vetëm një hap: “E di që është një numër i rëndë, shpresoj të jem në lartësinë e tij, por si unë ashtu edhe familja ime jemi shumë të lumtur që e morëm këtë fanellë”.
Lexo më tej: Video/ Yildiz shënon si Del Piero e feston si ai, duke i thyer rekordin historik: shihni golat të krahasuar
Në fund, kur u pyet për të ardhmen e tij te Juventus, Yildiz u përgjigj: "Nuk mund të parashikohet, por shpresoj të kem një karrierë të shkëlqyer këtu. Jam i vetëdijshëm se sa shumë beson klubi tek unë dhe e vlerësoj shumë, prandaj përpiqem për të dhënë më të mirën time”.
