Humb jetën lojtari 25 vjeçar, Holden Trent: “I bënte më të mirë ata që e rrethonin”

Holden Trent, vetëm 25 vjeç, ka ndërruar jetë. Ky portier i ri që luante për Philadelphia Union, u shua sot pasi ishte shtruar në repartin e terapisë intensive të spitalit kryesor të qytetit në orët e fundit. Shkaqet e vdekjes së Holden mbeten ende të panjohura. Lajmi është konfirmuar nga klubi i tij dhe gjithashtu nga familja përmes një njoftimi në rrjetet sociale. Holden, lindur në vitin 1999 në Shtetet e Bashkuara, kishte shpresa të mëdha për të arritur sukses në Major League Soccer dhe, mbase, për të fluturuar drejt arritjeve të mëdha. Karriera e tij ishte e gjitha brenda vendit, duke kaluar nëpër ekipe të kolegjeve, dhe u kurorëzua kur u zgjodh nga Philadelphia në draft-in e fundit – një mundësi që dukej me fat. Edhe pse ende nuk kishte pasur asnjë paraqitje në kampionatin më të lartë amerikan, Trent shpresonte të kishte shansin e tij në muajt e ardhshëm. Por kjo nuk ndodhi për të, duke u larguar shumë herët nga kjo botë.

Major League Soccer joins the Philadelphia Union and our entire soccer community in mourning the tragic passing of Union goalkeeper Holden Trent. A young goalkeeper with a bright future, Trent showcased determination and professionalism every day as he contributed to the… pic.twitter.com/AA9LKJDXUs

— Major League Soccer (@MLS) October 26, 2024

REAGIMET PREKËSE TË KLUBIT E FAMILJES

Kjo është deklarata prekëse e Philadelphia Union: “Jemi të tronditur nga largimi zemërthyes i Holden Trent. Edhe pse ishte një lojtar i mrekullueshëm dhe një kundërshtar i vendosur, ai ishte mbi të gjitha një djalë, një vëlla, një i fejuar dhe një shok skuadre i përkushtuar që i bënte më të mirë ata që e rrethonin. Ai mishëronte kuptimin e vërtetë të vendosmërisë, përkushtimit dhe këmbënguljes, dhe do të na mungojë pafundësisht. Shprehim ngushëllimet tona më të thella për familjen e tij, të fejuarën dhe miqtë e tij. Për respekt ndaj miqve dhe familjes së Holden, nuk do të ketë deklarata të tjera në këtë moment dhe kërkojmë që privatësia e tyre të respektohet gjatë kohës që janë në zi".

We are deeply saddened to share that Holden Trent has passed away at 25 years old. May he rest in peace. pic.twitter.com/97MItTiK7z

— Philadelphia Union (@PhilaUnion) October 26, 2024

Edhe deklarata e familjes ka të njëjtën ndjesi dhe ka vendosur për momentin të mos sqarojë arsyet e vdekjes së Trent: “Dëshirojmë t’i falënderojmë të gjithë për mendimet dhe lutjet tuaja në këtë moment të vështirë. Holden u largua këtë pasdite i rrethuar nga familja dhe miqtë e tij. Detajet mbi shërbimet dhe ceremoninë e jetës së tij do të jenë së shpejti të disponueshme. Familja jonë është thellësisht e prekur që shohim dhe ndjejmë dashurinë që të gjithë ju keni për Holden”.