Një konflikt çasti mes dy fqinjëve në fshatin Balldre në Lezhë ka degraduar në përdorimin e sendeve të forta. Për pasojë e sherrit ka mbetur i plagosur një prej tyre. Sipas informacioneve të para, i plagosuri është transportuar në spitalin e Lezhës. Mjekët kanë thënë se ai ka marrë disa lëndime në trup dhe se po i jepet ndihma e nevojshme.
"Rreth orës 17:35, në Balldre, Lezhë, si pasojë e një konflikti për motive të dobëta është dëmtuar me një mjet prerës (kosore), shtetasi L. M., 47 vjeç, i cili po merr mjekim në spital dhe ndodhet jashtë rrezikut për jetën.
Nga veprimet e para hetimore të kryera nga grupi hetimor dyshohet se 47 vjeçari është goditur nga shtetasit Sokol Boga, dhe djali i tij shtetasi Nikoli Boga, gjatë konfliktit fizik mes tyre. Po nga konflikti është dëmtur lehtë dhe shtetasi Nikolin Boga, i cili pas ndihmën mjeksore do shoqërohet në Komisariat për veprime të mëtejshme.
Gjithashtu po nga veprimet e para hetimore dyshohet se këta shtetas kanë thyer dhe xhamin e parë të automjetit në pronësi të 47-vjeçarit. Grupi hetimor ndodhet në vendngjarje dhe vijon punën për sqarimin e rrethanave dhe dokumentimin ligjor të rastit. Ndërkohë shërbimet e Policisë vijojnë kontrollet për kapjen e shtetasit Sokol Boga" - thuhet në njoftimin e policisë. ©LAPSI.al
