Të tjera detaje kanë dalë lidhur me aksidentin e mbrëmjes së shkuar të ndodhur në rrugën Lezhë-Milot, ku mbeti i vdekur një person, ndërsa një tjetër i lënduar. Bëhet me dije se viktima është identifikuar si Bledi Sokoli, i cili po drejtonte makinën tip “Opel” gjatë aksidentit të trefishtë.
Nga aksidenti mbeti i plagosur edhe një 23-vjeçar, drejtues i mjetit “Ford”. Aktualisht ai ndodhet në spital nën kujdesin e mjekëve. Sipas të dhënave të para, mjeti tip “Opel” ku udhëtonte viktima i moshës rreth 30-vjeç, ka qenë duke kryer një parakalim kur është përplasur fillimisht me mjetin tip “Ford” dhe pas saj ka goditur një tjetër makinë tip fuoristradë, që vinte përballë saj.
