Pasi ka dalë nga Kryesia e Kuvendit, në drejtim të eurodeputetit Fredi Beleri është gjuajtur me vezë dhe kos nga një protestues.
Protestuesi e ka goditur Belerin kur ai doli nga godina pas përfundimit të takimit të 18-të të Komisionit Parlamentar të Stabilizim-Asociimit BE-Shqipëri.
“I ka shpëtuar burgut me procedura, sepse duhet të ishte në burg. Ky ka vrarë gjithë ata njerëz, dhe ky vjen na bën karshillëk e na imponohet me ndihmën e europianëve. Ka vjedhur vota e dini të gjithë”, thotë protestuesi.
[video width="638" height="360" mp4="https://cdnimpuls.com/lapsi.al/wp-content/uploads/2024/10/beleri-prite-1-1.mp4"][/video]
10 deputetët e Parlamentit Europian mbërritën në Tiranë dhe pas takimit me Silvio Gonzaton, ambasadorin e BE-së, ku kanë marrë një Feedback për situatën politike në Shqipëri zhvilluan takim me grupet parlamentare në Kryesi.
Eurodeputetët pas takimit me grupet parlamentare do të kenë një takim me kryetaren e Kuvendit, Elisa Spiropali. Ndërsa në orën 15:15 do të zhvillohet takimi i 18 ndërkombëtar i stabilizim asociimit.
