Presidenti i Turqisë, Rexhep Tayyip Erdogan, tha se po jetojmë në ditë të turpshme për njerëzimin, pasi 50.000 të pafajshëm janë vrarë brutalisht dhe 2 milionë janë bombarduar në Gaza nga ana e Izraelit. Erdogan mbajti një fjalim me rastin e Ceremonisë së Ndarjes së Çmimeve të Garës së 9-të Ndërkombëtare të Mësimit përmendësh dhe Leximit të Kuranit.
Presidenti turk tha se Izraeli ka marrë peng të gjitha strukturat që kanë për detyrë të mbrojnë paqen, të drejtat e njeriut, lirinë e shtypit dhe demokracinë.
"Nuk po ndërmerren hapa parandalues për të ndalur ‘armikun e njerëzimit Netanyahu’. Kjo është rënie e njerëzimit. Po jetojmë në ditë të turpshme për njerëzimin, pasi 50.000 të pafajshëm janë vrarë brutalisht dhe 2 milionë janë bombarduar në Gaza. Përveç disa vendeve, ka pasur pak reagim të fortë për Gazën nga bota islame," tha presidenti turk Erdogan.
Erdogan gjithashtu paralajmëroi se Izraeli do t’i nënshtrojë 2 milionë njerëz në vuajtje si në kampe naziste në dimër dhe kërkon veprime për të parandaluar njerëzimin të arrijë pikën më të ulët.
