Halsey ka zbuluar së fundmi detaje nga momenti i propozimit nga aktori, Avan Jogia.
Në një intervistë, Halsey zbuloi se Jogia, e bëri propozimin në Barcelonë.
“Ndodhi aty ku filluam të shoqëroheshim për herë të parë, kështu që ishte vërtet e veçantë për ne. Nuk isha e sigurt nëse isha gati të thosha po, por gjithashtu mendova, "Ai është njeriu më mahnitës, më i zgjuar, më seksi, më i këndshëm që kam takuar ndonjëherë në jetën time, kështu që s’kam për ta lënë të më largohet nga duart,” u shpreh ajo.
Avan dhe Halsey u panë për herë të parë së bashku në shtator të vitit 2023, kur u fotografuan duke u puthur në Los Angeles. Rreth një muaj më vonë, artistja postoi disa foto në Instagram me aktori duke konfirmuar zyrtarish lidhjen e tyre.
Ajo konfirmoi fejesën e tyre më pas në X. Në një postim shkruhej, "Halsey thotë se shpreson të martohet me të dashurin Avan Jogia", me një foto të çiftit.
Këngëtarja ka qenë më parë në një lidhje me skenaristin turk Alev Aydin, me të cilin ka dhe një djalë 3-vjeçar, Ender Ridley. Të dy patën "një ndarje miqësore" pas katër vitesh së bashku, duke e konfirmuar ndarjen në prill të vitit 2023.
