Me qëllim apo jo? Mings shkakton penalltinë e pabesueshme, Martinez e pa i habitur

Ndeshja e Champions League mes Brugge dhe Aston Villa u karakterizua nga një episod i pabesueshëm. Me rezultatin 0-0, anglezët po përgatiteshin të bënin një rivënie nga porta, me portierin Martinez që pasoi topin te mbrojtësi Mings brenda zonës së rreptësisë. Por, në një veprim të papritur, Mings e ndaloi topin me duar dhe më pas ia kaloi sërish portierit argjentinas. Arbitri nuk kishte zgjidhje tjetër veçse të jepte një penallti për Brugge, për prekjen e qëllimshme të topit me dorë nga Mings. Arbitri, gjermani Stieler, nuk pati dyshime për këtë veprim dhe menjëherë akordoi penallti. Nga pika e bardhë, Vanaken e dërgoi topin në rrjetë, duke kaluar skuadrën e Brugge në avantazh kundër një Aston Villa të befasuar. Martinez shikoi nga arbitri me shpresën se mund të ishte një gabim, por Stieler e dha të saktë penalltinë. Nuk ka diskutim sa i përket rregullores, pasi topi ishte vënë në lojë në mënyrë të rregullt nga Martinez. Mings duhej të kishte vazhduar aksionin, por sigurisht jo ta ndalte topin me duar për të lejuar Martinez të niste sërish lojën. Ky veprim u konsiderua si një faull i zakonshëm që shkakton një penallti, pasi ndodhi brenda zonës së Aston Villa. Në një farë mënyre, ishte si një autogol për ekipin e Emery, që praktikisht ia dhuroi avantazhin Brugge.

Tyrone Mings has had an absolute nightmare there 🙈pic.twitter.com/3Z7c6nBnVT

— Football Hub (@FootbalIhub) November 6, 2024

Emery e zëvendësoi Mings pak pas penalltisë

Një episod i ngjashëm kishte ndodhur më parë në një ndeshje të famshme mes Arsenal dhe Bayern, por edhe në disa raste të tjera, sidomos në Bundesliga. Mbrojtësi i Villians, Mings, autori i faullit, po debutonte në një kompeticion europian, duke qenë se sapo ishte rikthyer nga një dëmtim i gjatë në gju, dhe ai dhe shokët e tij të skuadrës protestuan shumë te Stieler për vendimin. Mings e pranoi vendimin mes habisë së shokëve të tij, dhe Emery nuk hezitoi të bënte zëvendësimin e tij pak pas episodit.